SEGUITÀTECI
  • White Facebook Icon
  • White Instagram Icon
  • White Twitter Icon

Associu Lingua Scritta

Carrughju 1, Canonicu Bartoli – A Citatella 

 20200 Bastia

© Guarda Fratellu ! 2016 

  Guarda Fratellu

À l’alba di a to notte hè tenneru l’affissu

Chè tù impeci à u muru

Scrittu à l’inchjostru rossu

Da strughje quell’abbissu

Di un tempu troppu duru

« L’affissu » /« Stonde » 1982 / GP Poletti

A storia di st’ùltimi cinquant'anni hè una storia ricca, cumplicata, dura, ma hà cambiatu u visu di a Corsica. L’affissi sò e testimunianze d’un èpica. Sfuglittalli unu à unu, ghjè sfuglittà un mezu seculu di mubilizazione per circà à scrive un altra storia. Sianu attempu ricordi è sproni per cuntinuà à dacci l’avvene.

APPUNTAMENTI À VENE : PRESENTAZIONE DI U LIBRU

01

02  /  12  /  2017

LIBRERIA PORTIVECHJU
5 ore di sera

Vi prisentemu quì una pìccula storia di Corsica ind’è l’anni 1970 è 1980, attraversu e mosse chì l’anu marcata.

Da a fine di u Primu imperu à l’anni 1950, l’ìsula hè stata guasi priva di mubilizazione pulìtiche è suciale. St’inerzia era a prova di a putenza di i nutàbuli isulani, ch’assicuràvanu – incù i mezi di Statu – a lealtà di e pupulazione rispettu à a Francia.

Eppo’ dopuguerra, a sculunizazione è a mudernizazione di a sucetà corsa anu inghjennatu angoscie tamante, ecunòmiche, suciale, identitarie... è pulìtiche.

E mosse di l’anni 70 è 80 sò nate da sti timori è da l’incapacità di u putere à rispòndeci. Ùn sò riisciute à cuncretizà tutti i so ubbiettivi, ma anu cambiatu u visu di a Corsica. Per sparghje u so missaghju, l’attori cuntestatarii anu sviluppatu una cumunicazione alternativa, induve l’affissu hà avutu una piazza maiò. L’affissi prisintati quì sò i testimonii di st’èpica di mubilizazione, d’allegrie è di strage, è còntanu forse una sperenza sìmile: a prumessa di un avvene più felice.

02

09  /  12  /  2017

BASTIA
LIBRERIA PAPI
À partesi da 3 ore è mezu

03

13 / 12 / 2017

AIACCIU
FNAC
À partesi da 3 ore

Vulete accoglie a nostra mostra ? Cuntattate puru à Sarah Defranchi

 06 69 23 19 30