SEGUITÀTECI
  • White Facebook Icon
  • White Instagram Icon
  • White Twitter Icon

Associu Lingua Scritta

Carrughju 1, Canonicu Bartoli – A Citatella 

 20200 Bastia

© Guarda Fratellu ! 2016 

RADICALIZAZIONE

À l’iniziu di l’anni 70, a cuntestazione si radicalizeghja una prima volta, incù avvenimenti tali a crisa di e Fanghe rosse. U 1973 hè decisivu in dui aspetti: da un latu, l’urganizazione pùbliche abbandunèghjanu l’idea di regiunalismu per quella d’autunumismu ; da l’altru, sò fundate e prime grande urganizazione clandestine.


Dopu u fiascu di Libert Bou, chì circava un accumudamentu incù l’autunumisti, l’azzione di a cantina d’Aleria, i 21 è 22 d’aostu 1975, hè forse l’avvenimentu pulìticu u più maiò di a siconda parte di u XXe sèculu in Corsica. A disprupurzione di i mezi aduprati da u Statu, per mette fora l’uccupanti, cagiona una scossa tremenda per millaie di Corsi, legitimeghja l’usu di a viulenza, è lancia una siconda fase di radicalizazione. U Fronte di Liberazione Naziunale di a Corsica (FLNC), apparsu u 5 di maghju 1976, cuntesta ancu u duminiu di l’autunumisti nant’à a mubilizazione. Ci sò avà duie vie pulìtiche chì si prisèntanu cum’è upposte. Infatti, l’attentati antinaziunalisti è a ripressione di u Statu anu prestu fattu di rinnuvà e sulidarità trà e duie tindenze.