SEGUITÀTECI
  • White Facebook Icon
  • White Instagram Icon
  • White Twitter Icon

Associu Lingua Scritta

Carrughju 1, Canonicu Bartoli – A Citatella 

 20200 Bastia

© Guarda Fratellu ! 2016 

PUTERE È CUNTRAPUTERE

Da u 73 à l’81, i muvimenti naziunalisti ùn si sò prisentati à l’elezzione, ghjudicate troppu currotte, è anu circatu d'altre vie - cum'è a viulenza, ma dinù cum'è l'internaziunalizione - per accresce a so influenza. Eppuru a vittoria sucialista di l’81, po’ a creazione d’un Assemblea di Corsica eletta à a prupurziunale, anu datu una vera uppurtunità à tutti i partiti sclusi da u putere in Corsica, naziunalisti o micca. L’urganizazione muderate anu francatu u passu in l’82, per e prime elezzione regiunale, qualificate da i sustegni di u FLNC di “tràppula” di u Statu. Ma per tutte e tindenze, a participazione eletturale hè prestu apparsa cum’è un imperativu, almenu per sparghje u so missaghju. 


Puru senza pudè minaccià i partiti duminanti, i naziunalisti anu sùbbitu dimustratu a so raprisentatività, soprattuttu à u livellu regiunale. Avà pudìanu difende direttamente i so temi è e so pusizione davant’à l’altri eletti, ed èranu in capacità di cuntrullà, di dinunzià, è dinò d’imparà a pràtica di e rispunsabilità. Tandu u naziunalismu ùn era più solu una mossa cuntestataria; era parte anch’ellu di u funziunamentu di l’istituzione.