SEGUITÀTECI
  • White Facebook Icon
  • White Instagram Icon
  • White Twitter Icon

Associu Lingua Scritta

Carrughju 1, Canonicu Bartoli – A Citatella 

 20200 Bastia

© Guarda Fratellu ! 2016 

FRATTURE

Sò prestu svanite e sperenze nate dopu a vittoria sucialista di l’81. U statutu particulare di l’82 ùn pudia suddisfà i naziunalisti, è u FLNC hà accentuatu a so campagna d’attentati contr’à i cuntinentali, impettèndusi à a ripressione di u Statu. U rapimentu è l’assassiniu di u militante clandestinu Guidu Orsoni, suvitati da a vindetta di u FLNC, anu cagiunatu una nova radicalizazione di u cunflittu. Hè natu ancu tandu un associu antinaziunalistu assai putente : Corse Française et Républicaine (CFR). 


Fratture ci n’era dinò à l’internu di u naziunalismu. L’assassinii di u paruccheru Schoch (1982) è di dui tunisiani accusati di trafficà a droga (1986) anu cummossu unipochi di militanti è simpatizanti. Ma ghjè dopu a siconda elezzione di Mitterrand, incù l’apartura di un novu quadru di neguziazione, ch’ella hè stata palisata a diversità di l’anàlise, di e strategie è forse di l’interessi. In l’89 è u ’90, e duie scissione di u FLNC è di u muvimentu pùblicu metteranu fine à l’ideale unitariu chì fundava l’andatura di lotta di liberazione naziunale.