SEGUITÀTECI
  • White Facebook Icon
  • White Instagram Icon
  • White Twitter Icon

Associu Lingua Scritta

Carrughju 1, Canonicu Bartoli – A Citatella 

 20200 Bastia

© Guarda Fratellu ! 2016 

IDENTITÀ È EDUCAZIONE

L’anni 70 sò quelli di a cunsacrazione di e primure culturale ind’è u dibàttitu pulìticu in Corsica. Ind’è u dopuguerra, e dinàmiche demugràffiche è a calata di l’usu di a lingua corsa anu fattu cresce un sìntimu di grande perìculu per l’identità corsa. Hè cusì chi a lingua corsa, dichjarata càusa sacra da i naziunalisti, hè diventata una quistione pulìtica centrale. D’altronde, u Statu è l’altri partiti regiunali anch’elli anu circatu à impadrunìscesi di u sughjettu è à prumove u so insignamentu, ma senza mai pudè cuncepisce da veru a so cuufficialità.


L’altra grande mossa di l’èpica hè stata quella di l’apartura, o piuttostu di a riapartura, di l’Università di Corsica. À l’iniziu di l’anni 60, i studienti corsi in Parigi èranu stati i primi à pupularizà sta dumanda. Eppuru ghjè à pàrtesi di u ’73, incù a nàscita di l’Università d’estate è a radicalizazione di i studienti corsi di Nizza, chì a rivendicazione hà pigliatu assai pesu. U Guvernu hà ufficializatu a creazione di l’Università di Corsica di nuvembre ’75, ma u stabilimentu ùn sarà apartu cà d’ottobre ’81 in una situazione precaria.