SEGUITÀTECI
  • White Facebook Icon
  • White Instagram Icon
  • White Twitter Icon

Associu Lingua Scritta

Carrughju 1, Canonicu Bartoli – A Citatella 

 20200 Bastia

© Guarda Fratellu ! 2016 

RIPRESSIONE

Tutti i muvimenti di cuntestazione pàtenu a ripressione di u Statu, è u naziunalismu corsu l’hà patuta di sicuru. A risposta data à l’uccupazione d’Aleria, d’aostu ’75, hè stata u primu sìmbulu. U naziunalismu hà patutu dinò l’azzione clandestina di gruppi antinaziunalisti, à spessu in leia incù l’amministrazione di u Statu. S’hè cuntatu un centu d’attentati contr’à naziunalisti, a maiò parte contr’à militanti pùblichi.


Nasce una forma d’azzione nova per sustene i prigiuneri – ch’èranu 112 dopu l’affare Bastelica-Fesch – è i soii. Quellu sustegnu hè arricatu soprattuttu da associi spezializati, ch’urganizèghjanu parechji avvenimenti, è pòrghjenu un aiutu finanziariu à e famiglie. Eppuru u sustegnu ùn si ferma à e cunfine di u naziunalismu. À a fine di u mandatu di Valéry Giscard d’Estaing, guasi tutti i partiti di manca (fora soprattuttu di i Radicali) rivendichèghjanu a fine di a pulìtica ripressiva è a liberazione di i militanti naziunalisti. Dopu a vittoria di François Mitterrand in l’81, e misure d’amnistia simbulizèghjanu a ricerca d’un pattu novu, ch’ùn truverà successu.