SEGUITÀTECI
  • White Facebook Icon
  • White Instagram Icon
  • White Twitter Icon

Associu Lingua Scritta

Carrughju 1, Canonicu Bartoli – A Citatella 

 20200 Bastia

© Guarda Fratellu ! 2016 

SUCETÀ

Ind’è a Corsica di l’anni 70 è 80, a cuntestazione ùn hè solu pulìtica. Sò nate mosse assai diverse in tutti i settori di a sucetà. E più cunnisciute sò state sicuramente quelle in giru à u fundiariu è à l’ecunumia rurale, à a difesa di l’ambiente, è à l’autunumia di i media. Di modu più generale, hè statu dinunziatu assai u mudellu di sviluppu crisciutu dapoi u Settanta, puntellatu da u turismu di masse, l’indùstria di a custruzzione, è a cunsumazione di prudutti impurtati.

D’altronde a grande idea di u naziunalismu radicale era di creà un’ inseme di strutture sulidarie è cumplementarie, per sparghje u so missaghju à tutti i livelli: travagliadori, agricultori, insignanti, giòvani, ecc. Eppuru u principiu fundamentale, quellu di a direzzione pulìtica di u FLNC, hè statu pocu à pocu indebbulitu è rimessu in càusa. Face chì talvolta, l’attori di ste mosse èranu liati di modu ìntimu à un muvimentu pulìticu; talvolta n’èranu cumplettamente spiccati; talvolta anu luttatu per autunumizassi.